Caminado, caminada

25 Juin 2009, 09:00am

Publié par Association Attention Culture

Li camin de la musico soun coume li de la vido, dirèit e linde, tort, loung o secrèt, semena d'engano, margaia de bonur pichoun e de nafraduro, riche de rescontre imprevisto o inesperado. Passon l'istòri e lou barrula, passo lou tèms, passon li despatriamen, l'amour, l'óubli, d'uno ribo à l'autro de la Mediterragno. Manlevan de cop de vìo mai terrestro, tant meme celèsto, l'arquèmi s’estiganço, misteriousamen assabourado d’asard, pimentado de revòuto, pebrado d'umour...
Lou prougramo de la 8^enco edicioun de Convivència rebatra la draio, la caminado d’aqueli viajaire musicau qu’esquisson emé si cant, si meloudìo e si ritme lis univers countrasta e cambiadis d’encountrado à l’encop tant proche e tant liuncho. Lou tèms de douna à entendre e ressenti lou fremin di cor que batton, l'esmai di vido que s’aubouron e la bèuta di gènt que canton.

Convivència
8^enco edicioun

Subtila dòsi d’escambis e de complicitat, Convivència es una convidacion simpla e sensible, a partejar plaser artistic, norriduras intellectualas e gromanditges culinaris, nòstre biais occitan, ciutadan, uman e aculhent per viure ensems.
Convivència, dins la carriera, comença aquí sus lo caladat, dins lo còr de la ciutat : cade miegjorn, musicaires, autors, artistes pòrjon son espetacle, son disc, son libre ai public – acostumat e passant – que fan escala sota la pergola lo temps d'un concert.
La cultura se convida subran dins lo quotidian, provoca la curiositat, la perpensada. Un sentiment d’esmoguda floteja e fa espelir d’escambis, de rescontres imprevists, de liames nòus, liames sociaus de dimension umana e ciutadana.
Convivència “Costa rèire-scena” es lo perlongament naturau dei concerts dau midi dins l’encastre mai intim de l'Escola Léon Blum onte de 15o30 à 16o30 s'instaura lo dialogue conviviau emé lis artistas dau jour sota la forma d'un platèu de télévision participatiu e dubert a totei emé gabian.tv. Totjorn sota lis ombratges à l'ora dei cigalas (de 16o30 à 18o30), alternaran lei leituras de textes per lis “Auts Parlors“, lei rescòntras amé leis autors e lo débat “musica e libertats : sorisètz, siatz fichats“ subre la lei “HADOPI“.

Rescountre, countesto e espetacle à gratis

	12o00	15o30	16o30	18o30
Lu. 13 juil.				Councert, carriero Réattu DELINQUANTE soirée d'ouverture duo chanson & accordéon
Ma 14 juil.	councert, carriero Réattu Trio TZANE polyphonies des Balkans et autres histoires vocales	Escolo Léon Blum p'tits bonheurs de gabian.tv rescontre emé lis artistas dau jour Trio TZANE	Escolo Léon Blum LES HAUTS PARLEURS lectures croisées
Me. 15 juil.	Councert, carriero Réattu Marianne AYA OMAC chanson litano-méditerranéenne	Escolo Léon Blum p'tits bonheurs de gabian.tv rescontre emé lis artistas dau jour Marianne AYA OMAC	Escolo Léon Blum Debat MUSICA e LIBERTAT autour de la loi HADOPI Souriez vous êtes fichés
dijòu 16 de juliet	Councert, carriero Réattu LO COMITAT lo pònt d'Occitania cooperativa musicala auvernhata	Escolo Léon Blum Ai pichoun bonur de gabian.tv rescontre amé LO COMITAT et lis autour prouvençau e óucitan present	Escolo Léon Blum Lis AUT PARLOUR leituro crousado
Ve. 17 juil.	Councert, carriero Réattu Mor KARBASI l'héritage de l'exil ballades judéo-andalouses	Escolo Léon Blum Ai pichoun bonur de gabian.tv rescontre emé lis artistas dau jour Mor KARBASI		Councert, Solid'Arles quartie Griffeuille Jodi STAELEN Gerald SEGUIN chanson esprit folk
Sa. 18 juil.	Concert, rue Réattu ZARAGRAF au cabaret tzigane entre Balkans et Andalousie	Escolo Léon Blum Ai pichoun bonur de gabian.tv rescontre emé ZARAGRAF