Overblog Suivre ce blog
Administration Créer mon blog
La Semaine de Convivència à Arles

Articles avec #2008 ete version oc

escambis e complicitat

4 Juin 2008, 15:07pm

Publié par Association Attention Culture

<

  état d'esprit
 escambis e complicitat
Convivència
setena edicion
14 - 19 de Julhet 2008

musica, Carriera Réattu
per lei debats, Escòla Léon Blum



Subtila dòsi d’escambis e de complicitat, Convivència es una convidacion simpla e sensible, a partejar plaser artistic, norriduras intellectualas e gromanditges culinaris, nòstre biais occitan, ciutadan, uman e aculhent per. viure ensems
Convivència, dins la carriera, comença aquí sus lo caladat, dins lo còr de la ciutat : cade miegjorn, musicaires, autors, balaires artistes pòrjon son espetacle, son disc, son libre, sa dança ai passejaires, que fan ceucle sota lo tibanèu, a l’entorn d’un aperitiu gromand .
La cultura se convida subran dins lo quotidian, provoca la curiositat, la perpensada. Un sentiment d’esmoguda floteja  e fa espelir d’escambis, de rescontres imprevists, de liames nòus, liames sociaus de dimension umana e ciutadana.
Convivència costat cort se perlonga e leis idèas evocadas a miegjorn tornan dins l’encastre mai intime de l’escòla Leon Blum, a l’entorn dei bevendas refrescantas . De 5 oras a 7 oras de sera, lei convidats exprimisson son testimòni, son experiéncia, son analisi, son vejaire ; lei subjècts son desvelopats, aprefondits per durbir lo debat


    Espetacles e Rescòntres a gratis

Voir les commentaires

Crosiera dei Camins

4 Juin 2008, 15:02pm

Publié par Association Attention Culture

<

 
 Crosiera dei Camins
Convivència
14 - 19 de Julhet 2008
musica, Carriera Réattu
per lei debats, Escòla Léon Blum

Luec onte se crosan, s’encontran d’elements venguts d’orizonts diferents, emai luec simbolic de chausidas onte se partejan d’alternativas, d’orientacions, d’onte parton d’autrei camins que menan a d’autrei perspectivas…
Dempiei l’Antiquitat se crosan en Arle de dralhas que portan d’òmes, seis idèias, sei culturas e seis utopias. Lo Ròse emé lo corredor rodanenc religant lo Sud e lo Nòrd, la Via Domicia dessinant de l’Italia a l’Espanha l’arc occidental de la Miègterrana, lei camins de romavatges (San Jaume,de Compostella, Lei Santi Marias…)

A l’orle entre Provença e Lengadòc, a la descisa dau flume entre cèu e mar, caireforc entre tradicion mistralenca e modernitat dei camins nòus numerics, aquesta 7enca edicion estivala de Convivència explorarà, barrutlarà, s’(a)musarà d’aquelei dralhas musicalas que se crosan, se desseparan e se retroban.

en oc per lo Ceucle occitan dau país d’Arle

Voir les commentaires

La crosiera deis idèias

4 Juin 2008, 15:02pm

Publié par Association Attention Culture


 
 La crosiera deis idèias
Rescòntres, testimònis, contèstas
Convivència
14 - 19 de Julhet 2008
musica, Carriera Réattu
per lei debats, Escòla Léon Blum


Autorotas, draiòus, camins traversiers, passatges sota-tèrra, quinas chausidas per nostras rotas avenidoras, nostreis itineraris futurs ? 
Lei rescòntres, leis testimònis, lei contèstas dau tantòst – a l’entorn de l’aiga, de la musica, de l’istòria, dei mediàs, dei rasigas…- temptaran modèst de formular lei tèrmas, leis enjuecs, leis urgèncias dei chausidas possiblas.

* Prepaus a l’entorn d’una musica equitable / drechuriera
* En Arle, una web-telè associativa o cooperativa sariá possibla?
* La paradòxa de l’aiga

en oc per lo Ceucle occitan dau país d’Arle

Voir les commentaires

Canabiera sus Marna

4 Juin 2008, 14:48pm

Publié par Association Attention Culture

<

 
  musique
 Guingueta e retrò
Convivència
Diluns lo 14 de Julhet

17º de vèspre, carriera Réattu

DANY ROLL quartet
Canebiera sus Marna

Esperit guingueta e retrò au programa de dobertura de Convivència inspirat d’un 14 de Julhet un pau passit emai comol de tendressa. L’escasença de tornar an aquel balèti populari de nostrei rèires sota lei lumes dei pegots e sota la pergolà e de redescubrir leis èrs que son demorats dins totei lei mementas.
Adonc, metrem la vela tota per vogar en aigas doças de Canabiera ai ribas de Marna, chalopant valsas, javas, tangos e pasos, largant leis amarras tre lei promieras notas de pianò o ai bofes langorós d’un acordeon triste. Marins d’aiga doça desvergonhats de remembranças, cantarem en còr- probable sens se n’avisar- lei refrins pastats de malenconiá dei seringòlas amorosas o dei cansons realistas petejantas de malícia e d’umor qu’emé tres mots, cinq notas te fan de retrachs mai que mai verais. Succulentas cansons marselhesas a la Scotto, estandards eternes de museta, avans que d’acabar emé lei ritmes latinòs dei grandeis orquèstras d’après-guèrra.
Sota lei pegots, a l’entorn de la  pista a dançar, un canton de beguda onte se desassedar, de tablas de restaurant per crostejar emé lei comerçants de la carriera. 



    Emé Danièu (batariá), Jan (guitara e cant),
    Roland (clavier, acordeon), Estefane (bassa)
    e Arvèu en convidat sospressa (cant)

en oc per lo Ceucle occitan dau país d’Arle





Voir les commentaires

d’una musica equitable

4 Juin 2008, 14:27pm

Publié par Association Attention Culture


 
  Crosiera deis idèias

Convivència
Dimars lo 15 de Julhet 2008
5o de vèspre, escòla Léon Blum
Prepaus a l’entorn d’una musica equitable / drechuriera

Concentracion d’ostaus de disques,numerisacion dei supòrts, precarisacion deis artistas… l’industria musicala traversa una crisi sens precedent que n’es pamens responsabla.
L’industria musicala es-ti inequitabla per definicion, lei discaris rescapats son-ti condamnats a venir de mestiers antics, lei melomanes a s’acontentar de musicas aseptisadas o introbablas. Lei musicians devon-ti contunhar d’èstre manipulats per de sistèmas financiers que li subrepassan ?
S’apielant sus de practicas e d’idèias dau comèrci equitable/drechurier, se pòu esquissar un avenidor mai juste per la musica ? A l’ora de la concentracion dei pòles tecnò-industriaus, es que i’a una plaça per una cultura diversificada e de triò?

Conferència per
Charlotte DUDIGNAC (spécialiste du commerce équitable et de l'économie solidaire)
François MAUGIER (producteur de disques et de concerts),
co-auteurs de "La Musique Assiégée, d'une industrie en crise à la musique équitable" (Ed. L'Echappée)

suivie d'un débat
modérateur : Catherine LE GUELLAUT (écrivain)

Bibliographie :
- "La Musique Assiégée, d'une industrie en crise à la musique équitable" voir présentation

Lire aussi "MANIFESTE CONTRE LA DÉFAITE DE LA MUSIQUE", Marc Benaïche, Mondomix
consulter le site Jouer Juste

La croisée des idées : le forum
N'hésitez pas à contribuer au débat en postant ci-contre vos suggestions, vos question ou autres...

commentaire de gratte-poil (02/07/08)
"Enfin de la musique bio, élevée en plein air sans engrais ni colorants !"

en oc per lo Ceucle occitan dau país d’Arle






Voir les commentaires

dau Rajastan au deltà dau Guadalquivir

4 Juin 2008, 13:01pm

Publié par Association Attention Culture

<

 
  musique
 chants et danses des gitans de l'Inde
Convivència
Dimars lo 15 de Julhet
Miegjorn, carriera Réattu


DÙNYA
dau Rajastan au deltà dau Guadalquivir


Dùnya significa lo monde en arabe, en indì, en ordo.
Cantairitz e dansairitz, venguda d’una familha de musicians,
Maria Robin fuguèt breçada e abalida deis univèrs musicaus de l’India dau Nord enjusqu’a l’Andalosia, passant per l’Orient Mejan.
Cants tradicionaus roms e rajastanis, ghazals (poesia classica) e composicions, la musica  de Dùnya es una mescla subtila d’esmogudas oscillant d’una jòia absoluta a la mai fonsa malenconiá, un viatge en terras gitanas, acolorit, flamejant, enmascant, la votz estonanta, trebolanta e prefunda de Maria que guida.
Un guida que canta e pivela, un guida qu’encanta e dansa aquelas kabélyas apresas, tot coma lo cant, pròchi dei bomians dau Rajastan Pople nomade de la casta deis enclausèires de sèrp, lei Kalbéliyas èran demandats dins leis ostaus per garir lei malauts e traire lo verin. Expression collectiva dei femnas, inspirada dei moviments dei reptils, aquesta dansa s’es enrichida d’un vocabulari artistic originau onte l’improvisacion pren sa part tota.
Sus de tèxtes de Titi Robin e de coplas ancianas andalosas, Dùnya fa nàisser una onda sismica, un duende vibrant, fresc e trefolent que vos pertoca en plen còr

David VIALA (acordeon), Maria Robin (cant, dansa), Olivier LECHEVALIER (còntrabassa), Karim BELKHIR (percussions), German CHAPERON (guitarra, mandolina).

Discographie :
    CD à venir
Ecoute-découverte :
    "Adjire Divana"  & "De Man Devla So Mangawe" : cliquer ici
Plus d'infos :
    le site de Dùnya
    le site de Maria Robin
    le site de Titi Robin
en oc per lo Ceucle occitan dau país d’Arle





Voir les commentaires

juecs de votz de Israhn

4 Juin 2008, 11:15am

Publié par Association Attention Culture


 
  musique
 juecs de votz
Convivència
Dimècres lo 16 de Julhet
  Miegjorn, carriera Reattu


ISRAHN
La magia vocala dei còntes de fadas berbèras

Nascuda en Argeria, Israhn venguèt dins una familha melomana. Fa vint-e-cinq ans que plantèt cavilha en França e colaborèt au project musicau Ouech Dek còntra lo còdi de la familha en Argeria, que Convivència presentèt en 2005. Lo temps, l’alunchament, l’an menada a concebre un espetacle, sola, inspirat per lei contes de fadas berbèras, onte per l’intermediari de registraments, joga ambé sa votz pròpria ; dialogua, respond, vocalisa, traça dins l’espaci lei païsatges sonòrs, somptuosament estranis e emmascants .
L’encantament se fa sentir tre la premiera nòta, sostenguda per una votz de tria, d’eloquéncia e de poténcia, velossada e linda . Un ulhauç que trafiga lo còrs, lo  còr e l’arma, a te desalenar. Que vèngan de Cabilia coma Israhn, de Provença, dau Mali, o ben d’Escossia, per son universalitat, seis arabescas vocalas, sei modulacions nuançadas treviran l’uman, simplament coma lei ressons d’ailalin, d’un autre temps, lei de l’enfança, dau pantai, dau fantastic, de la paur assolada, onte l’imaginari costeja una realitat amaisada .


« Ma voix traduit des émotions,
je ne suis pas chanteuse,
je
suis un instrument. »

Discographie :
  
Album personnel en cours de réalisation
   "
Ouech Dek", (participation Cd 3 titres autoproduit, clip en VHS, 2002)
Ecouter :
  
"
Petite femme sauvage"
    "
Chant 1"
En attendant l'ouverture de son site, plus d'Israhn
ici

    La PARPELADA de la ROSA dei PESES
    La creacion velada e desvelada d’Audrèa
Quand lo teissut se fa au còp, supòrt e subreplan,
Audrèa improvisa e modula la materia an un tablèu mobil e viu,
tala una polida rauba que floteja dins l’aura.


 en oc per lo Ceucle occitan dau país d’Arle




Voir les commentaires

una web-telè associativa ?

4 Juin 2008, 10:33am

Publié par Association Attention Culture


 
  Crosiera deis Idèias

Convivència
Dimècres lo 16 de Julhet 2008
5o de vèspre, escòla Léon Blum

En Arle, una web-telè associativa o cooperativa sariá possibla ?

Dempuei lo bom dei radiòs localas associativas en 1980, lei païsatges audiovisuaus a la cadena locala e regionala an evoluit fortament. Dins aqueleis espacis geografics soventei fes desertats per lei mediàs de proximitat, l’irrupcion de tecnologias ligadas a Internet, duerb de perspectivas nòvas onte lo ciutadenc pòu (tornar) prene una plaça majorala que l’interactivitat instantanea permet a cadun de participar e d’èstre actor dau debat democratic.
Exploraràn adonc lei camps dei possibles per. temptar de definir quinas formas, quins contenguts, quins foncionaments podrián èstre adoptats per una telè-web arlatenca, au lume deis experièncias de nostrei convidats.
En co-réalisation avec l'Association rHumeurs
Testimònis de
Anne MAZAURIC (dernière présidente et membre fondateur de la défunte Zaléa TV, Région parisienne),
Eric FALCONNETTI (président de la Fédération des vidéos de pays et de quartier,  Aix en Provence),
Stéphane TOZZI et/ou Laurent CHANIAC (radio associative l'EKO des Garrigues, Montpellier)
débat animé par

Jean-Pierre ANTINOUX (président association rHumeurs, Arles).

En savoir plus
Voir le site des vidéos de Pays et de Quartiers
Voir le site de Zaléa TV,  avec un épisode de la vie de cette TV
Voir
le site de l'EKO de Garrigues
en oc per lo Ceucle occitan dau país d’Arle

La Crosiera deis Idèias : forum
N'hésitez pas à contribuer au débat en postant ci-contre vos suggestions, vos question ou autres...







Voir les commentaires

poësia de Senegal

4 Juin 2008, 10:25am

Publié par Association Attention Culture


 
  musica
 poësia de Senegal
Convivència
EL HADJ N'DIAYE s'est vu refuser son visa pour se produire
à Convivència, ce qui nous prive d'un grand moment d'émotion.
aussi, ce jeudi 17 juillet
c'est
DIOGAL également sénégalais,
que nous vous proposons de découvrir



EL HADJ N'DIAYE
Géej (lo mar)

Dei ribas de Senegau, vaquí venir lo cantaire de tèxtes, lo contaire de cants, lo trobaire e la poësia. Vaquí sorgir la vòtz d’El Hadj N’Diaye, rauca, grèva e granilhosa, tèrra-tremol e gost de mèu.
Detenèire de memòria, filosòfe dau quotidian, tèis l’intimitat dau solèu e de l’ombra, entremescla lo francés e lo wòlòf, escanda la realitat en tròbas doças-amaras, dança l’invencion de la vida vidanta e lei pichòts mestiers dei quartiers de Dakar.
Melodias qu’encòcan, retengudas, mistolinas, dau bot de sa guitarra sona, poncha lei messòrgas, lei raubatges, l’injusticia e l’absurditat sensa pietat.
Darnier agachaire, conta, raconta, canta, cantoneja, bròda de sa poësia trebolanta lei desviaments. Aquelei de la terra a l’aiga, d’una aiga tròp rara per la terra e d’una aiga tròp salada que bassaca lei radèus dau malur. « Mar, mar, engoles teis enfants ». De mars plenas de descubèrtas, d’oceans de perdicion, de pantais de despatriament… de tombèus ostiles, tròp nombrós.
Vaquí sorgir la vòtz d’El Hadj N’Diaye, rauca, grèva e granilhosa, lo cant requist d’un ome drech, clarvesènt, la dignitat de la crida d’un monde a un autre.

El Hadj N’DIAYE (cant, guitarra), Moribà KOITA (n’goni, pichòta guitarra), Prabhu EDOUARD (tablà), Sambo KOYATE (korà).
.
Ecouter un extrait : cliquer ici
Lire les paroles de"
Geej"
Discographiee :
"Géej" (2008)
"Xel" (2006)
"Thiaroye" (1998)



en oc per lo Ceucle occitan dau país d’Arle




Voir les commentaires

La paradòxa de l’aiga

4 Juin 2008, 09:41am

Publié par Association Attention Culture


 
  Crosiera dei idèias

Convivència
Dijòus lo 17 de Julhet 2008
5 oras de vèspre Escòla Leon Blum

La paradòxa de l’aiga
rescòntres, testimònis, debats
Semblabla a l’aire, l’aiga es un ben e un drech universau de la vida .
Mai ara, l’aiga se fa un produch de luxe e lo sistema vai de rebors de sa tòca, qu’es l’egalitat davant lo ben comun, porgit per la natura .
Simbòl de vida, que siegue rara ò polluida, ò que n’aguessiam a bòudre, l’aiga ven paradoxalament portarela de mort, de desertificacion responsable de la migracion en massa dei pòples encausa de discriminacion .
Entre Ròse e Africa, alora que la question de l’aiga se pausa a l’escalon mondiau, es que podèm acceptar de la considerar coma una marchandisa quina que siegue e decidir quau auriá lo drech d’aprofichar d’aqueu don de la natura ?


En co-réalisation avec l'Association Nacicca.
Contribucions de:
Jean-PIerre WAUQUIER (association H2O, Festival de l'Eau en Auvergne),
site
Amobé MEVEGUE (Radio France internationale, responsable Afrique),
Gérard CASANOVA (Collectif santé Port St Louis du Rhône), incinérateur-PCB même combat
site
DIOGAL
(musicien sénégalais),
Hervé THOMAS (Attac Pays d'Arles)
site
.... suivies d'un débat.
modérateurs :
Gael HEMERY (président association Nacicca),
Catherine LE GUELLAUT
(Attention culture !)



La Crosiera dei idèias : forum
N'hésitez pas à contribuer au débat en postant ci-contre vos suggestions, vos question ou autres...



en oc per lo Ceucle occitan dau país d’Arle




Voir les commentaires

1 2 > >>